АЛМАТЫ, 18 наурыз – Sputnik. 21-23 наурыз аралығында Қазақстан – Қытай шекарасындағы автомобиль өткізу пункттері жұмыс істемейді, деп хабарлады мемлекеттік кірістер комитеті.
Наурыз мейрамы мерекесіне байланысты пункттер жабылады, дейді ведомство.
Ал шекарадағы теміржол өткізу пункттері штаттық режимде жұмыс істейді.
Комитет тасымалдаушылардан және шекарадан өтуге ниет білдірушілердің барлығынан енгізілген шектеулерді ескере отырып, өз маршруттарын алдын ала жоспарлауды сұрады.
Қытаймен шекарадағы автомобиль өткізу пункттері мерекелерге байланысты жылына бірнеше рет жабылады.