АСТАНА, 17 наурыз - Sputnik. Украина бейбіт келіссөздер процесін бастамаса, азаматтары мен жерлерін көптеп жоғалтады, деп жазды миллиардер Илон Маск Х әлеуметтік желісінде (бұрынғы Twitter).
"Бейбітшіліктің ауылы неғұрлым алыс болса, халқы да соғұрлым жапа шегеді. Көп адам қаза тауып, аумақтың да көп бөлігі уыстан шығады", - деді ол.
Сондай-ақ Маск Украина қарулы күштері майданда негізсіз көз жұмып жатқанын айтты.
Сонымен қатар ол Ресей басшысы Владимир Путин ешбір жағдайда жеңілмейді деп санайды.
Оның пікірінше, батыстан қаржыландыруды жалғастыру және әскери қимылдар Украинаға көмектеспейді.