АСТАНА, 16 наурыз –Sputnik. Президент сайлауының бірінші күнінде қашықтан электронды дауыс беру платформасына және Орталық сайлау комиссиясының сайтына ұқсас 100-ден астам жалған фишингтік ресурс бұғатталды. Бұл туралы "Солар" компаниялар тобының ("Ростелеком"-ның еншілес компаниясы) басшысы Игорь Ляпунов айтты, деп хабарлайды РИА Новости.
"Егер биылғы жылдың алғашқы екі айында – қаңтар, ақпанда біз 60-қа жуық осындай ресурстарды (фишингтік – ред.) бұғаттасақ, кеше 100-ден астам осындай жалған ресурс бұғатталды. Олар қашықтан электронды дауыс беру платформасына ұқсас, Орталық сайлау комиссиясының сайтына ұқсас, экзитполдар туралы айтатын сайттарға ұқсас порталдар. Олардың барлығы ақпараттық шабуылдарға үлкен қарсылық", - деді Ляпунов.
Ол "тағы 30-дан астам кибершабуыл мен оларға қарсы қорғаныс жұмыстары болады" деп болжады.
Бейсенбі күні Мәскеу уақытымен сағат 23:00-де Камчаткадағы Чукоткада алғашқы сайлау учаскелері ашылды. Жұма күні сағат 9:00-де Ресейдің ең батыс аймағы – Калининград облысында дауыс беру пункттері ашылған болатын.
Сайлауда 2,6 миллионға жуық ресейлік мерзімінен бұрын дауыс берді.
Үш күн бойы сайлау учаскелері жергілікті уақыт бойынша сағат 20:00-ге дейін жұмыс істейді.
17 наурыз, жексенбі негізгі дауыс беру күні болады.
Ресей президенті Ресей Федерациясының Конституциясына, 2002 жылғы 12 маусымдағы "Сайлау құқықтарының негізгі кепілдіктері және Ресей Федерациясы азаматтарының референдумға қатысу құқығы туралы" және 2003 жылғы 10 қаңтардағы Ресей Федерациясының президентін сайлау туралы" федералдық заңдарына сәйкес сайланады.