АСТАНА, 15 наурыз – Sputnik. 16 наурызда таңғы сағат 4-ке дейін ұшу кестесі толығымен қалпына келтіріледі, деп хабарлады Қазақстан Көлік министрлігі.
4-15 наурызда Алматы қаласының әуежайында ауа райының күрт нашарлауына (қардың қалың түсуіне) байланысты барлығы 50-ден астам рейс кейінге қалдырылды, 7 рейс тоқтатылды, 4 ұшақ қосалқы әуежайларға жіберілді.
"Әуе компаниялары мен Алматы әуежайы кешіктірілген және тоқтатылған рейстердің жолаушыларына қажетті қызмет көрсету үшін қажетті шараларды қабылдады. Жолаушыларға сусындар мен ыстық тамақ берілді", - деп жазылған хабарламада.
Тоқтатылған рейстердің жолаушыларына әуе кемесінде жолаушыларды, багажды және жүкті тасымалдау ережелеріне сәйкес әуе билеттерін қайта брондау немесе ақшаны қайтару мүмкіндігі берілді.