АСТАНА, 9 наурыз – Sputnik. Шығыс Қазақстанда азаматтық қорғау қызметтері су тасқыны мерзіміне дайындықты бастады, деп хабарлады ТЖМ баспасөз қызметі.
Өңірге Семей қаласындағы ТЖМ 68303 әскери бөлімінен қосымша 50-ден астам адамнан тұратын әскерилер келді.
Олар жағдайды мониторингілеу және су тасқыны орын алған жағдайда шұғыл ден қою үшін Алтай және Күршім аудандарына бөлінеді. Онда бүгінгі күні ең көп қар қоры бар: Алтай ауданында қар жамылғысының биіктігі 126 см, таулы аудандарда 138 см. Күршім ауданында – 100 см.
Бүгінгі таңда өңірде жағдай тұрақты.Су тасқыны қаупі бар елді мекендердің тұрғындарымен 200 жуық рейд жүргізілді.
ТД тұрғындарға қазіргі таңнан бастап көктемгі кезеңге дайындалуды ұсынады:
қар суы ағып кету үшін аула аумағын қардан, арықтар мен каналдарды мұздан тазарту;
мүмкіндігінше үйінді жасау үшін қаптар және инертті материалдардың болуы.