АЛМАТЫ, 8 наурыз - Sputnik. Дүниежүзілік денсаулық сақтау ұйымы (ДДСҰ) сүт безі қатерлі ісігінің арту қаупіне байланысты 8 наурызда Халықаралық әйелдер күнін тойлау кезінде алкогольді ішпеуге кеңес береді, деп хабарлайды РИА Новости.
"Көптеген адам алкогольді ішімдік ішу әйелдер арасында жиі кездесетін сүт безі қатерлі ісігінің негізгі қауіп факторы екеніне назар аудармай, мерекені бір стақан алкогольдік сусынмен атап өтеді", - делінген құжатта.
ДДСҰ алкоголь мен сүт безі қатерлі ісігі арасындағы байланыс туралы ақпараттың аздығы аурудың алдын алуға үлкен кедергі және әйелдердің денсаулығына зиян деп санайды.
"Жақында жүргізілген зерттеуге сәйкес, Еуропаның 14 еліндегі әйелдердің тек 21%-і алкогольді тұтыну мен сүт безі қатерлі ісігінің даму қаупі арасындағы байланысты анықтаған. Ерлер бұл ақпараттан тіпті бейхабар, өйткені сауалнамаға қатысқан ерлердің тек 10%-і ғана бұл туралы естіген", - делінген хабарламада.
Ұйым сүт безі қатерлі ісігі жағдайында алкогольді тұтыну сүт безі қатерлі ісігінің көптеген түрлерінің пайда болуына әкелетін эстроген деңгейіне әсер ететінін түсіндіреді. Алкогольдің осы гормондардың деңгейіне әсері тәуекелдің жоғарылатады.
"Сүт безі қатерлі ісігімен 2022 жылы 600 мыңнан астам жағдай тіркелген. Алкогольдің сүт безі қатерлі ісігінің алдын алуға болатын қауіп факторы ретіндегі рөлі өте маңызды. Еуропадағы әйелдер үшін сүт безі қатерлі ісігі алкогольден туындаған негізгі қатерлі ісік болып табылады. Бұл алкогольге байланысты барлық қатерлі ісік ауруларының 66% құрайды", - делінген құжатта.