АЛМАТЫ, 6 наурыз – Sputnik. Ресей президенті Владимир Путин Сириуста Дүниежүзілік жастар фестивалінің қатысушыларымен пікір алмасып, жабылу салтанатында сөз сөйлейді, деп хабарлады РИА Новости Ресей мемлекеті басшысының баспасөз хатшысы Дмитрий Песковқа сілтеме жасап.
"Күннің екінші жартысы өте маңызды болады. Бүгін Путин "Сириус" орталығындағы жастар фестивалінің қатысушыларымен сөйлеседі. Кездесу еркін тақырыпта өрбиді, фестивальге қатысушылар өз көкейінде жүрген сұрақтарды қоя алады. Сондай-ақ Путин жабылу салтанатында фестивальдің барлық қатысушысына үндеу жасайды деп жоспарланып отыр", - деді Песков.
Песковтың айтуынша, мұндай ауқымды іс-шараны дайындауға жастар, жастар ісі жөніндегі федералды агенттік және көптеген ведомство тартылған.
Дүниежүзілік жастар фестивалі 1-7 наурыз аралығында Ресейдің Сириус федералды аумағында өтеді.