АСТАНА, 28 ақпан – Sputnik. Еурокомиссия басшысы Урсула фон дер Ляйен Ресей активтерінен түскен пайданы Украина қарулы күштерінің қажеттілігі үшін пайдалануды ұсынды, деп хабарлады РИА Новости.
"Кеңірек ойланғанымыз жөн. Ресейдің бұғауланған активтерінен түскен үстеме пайданы Украинаға әскери техниканы бірлесіп сатып алуға жұмсау туралы айтатын кез келді", - деді ол Еуропарламенттің пленарлық отырысында сөйлеген сөзінде.
Ол бұл ақшаны Украина мен Еуропаны қауіпсіз ету үшін пайдалану ең дұрыс шешім болады деп толықтырды.
Ресейге қарсы елдер 2022 жылдың ақпан айынан бастап санкциялар салып жатыр, нәтижесінде тәуелсіз активтер де, жеке инвесторлардың қаражаты да бұғатталды.
Елдің 300 миллиард долларға жуық валюталық резерві тоқтатылды.
2022 жылдың қазан айында ЕО көшбасшылары Еурокомиссияға тыйым салынған активтерді Украинаны қалпына келтіруді қаржыландыру үшін пайдалану бойынша ұсыныстар дайындауды тапсырды.
Кремль мұндай шешімдерді қабылдау "халықаралық құқықтың барлық ережесі мен нормаларын бұзудың тағы бір қадамы болады" деп мәлімдеді. Ресей Сыртқы істер министрлігі Еуропада ресейлік активтерге тыйым салуды ұрлық деп атап, Еуроодақ жеке тұлғалардың қаражатын ғана емес, Ресейдің мемлекеттік активтерін де нысанаға алып отырғанын атап өтті.