АСТАНА, 22 ақпан – Sputnik. Ұлттық қауіпсіздік комитеті Қазақстан шекарасының үш учаскесіндегі көлік кептелісіне қатысты түсініктеме берді.
"Елдің солтүстік облыстарында ауа райының бұзылуына байланысты республикалық және облыстық деңгейдегі жолдарда көліктердің қозғалысы уақытша шектелді", - деп жазылған ведомство хабарламасында.
Қазіргі уақытта жағдай тұрақталды. Жолдардың ашылуына байланысты кей бағыттарда:
Қазақстан-Қырғыз учаскесі ("Қарасу" өткізу пункті);
Қазақстан-Өзбекстан учаскесі ("Тәжен", "Қазығұрт" өткізу пункттері);
Қазақстан-Ресей учаскесінде ("Сырым" өткізу пункті) көлік құралдарының кептелісі байқалады.
Сонымен бірге ҰҚК Шекара қызметі қазақстандық өткізу пункттері штаттық режимде жұмыс жасап жатқанын хабарлады.
Көлік жүргізушілерге қалыптасқан ахуалды ескере отырып, қозғалыс бағыттарын түзету ұсынылды.