АСТАНА, 17 ақпан – Sputnik. Алматылық өрт сөндірушілер сағат 12:28-де қоймалардағы өртті оқшаулап үлгерді, деп хабарлайды төтенше жағдайлар министрлігі.
Барахолкадағы ірі өрт сенбі күні таңертең басталды. Жетісу ауданына қарасты Көкмайса-27 шағын ауданында төтенше жағдайлар департаментінің күштері мен құралдары күшейтілген ранг бойынша жұмыс істеп жатыр.
Өрт сөндіру жұмыстарына жеке құрамнан 104 адам мен 29 апатты жою техникасы жұмылдырылған.
Барахолкадағы өрт
© Photo : МЧС Казахстана
Жақын маңдағы әкімшілік ғимаратты қорғау және өрт сөндіру үшін өрт оқпандары орнатылды.
Барахолкадағы өрт
© Photo : МЧС Казахстана
Сағат 11.30-да жанып жатқан қоймадан 25 литрлік газ баллоны шығарылды.
Барахолкадағы өрт
© Photo : МЧС Казахстана
Өртті сөндіру жарылыс қаупі бар заттардың (газ баллондары, аэрозольдік газ баллондары, бояу және лак өнімдері) болуымен қиындап жатыр.
Үлкен өрттен шыққан түтін алыстан көрінеді (сурет ұшақ бортында түсірілген).