АСТАНА, 16 ақпан – Sputnik. Қарағанды мен Өскеменде Ұлттық тестілеу орталығының заңмен қорғалатын ақпаратын көшіргені үшін үш адам сотталды, деп хабарлайды Sputnik Қазақстан ҰҚК баспасөз қызметіне сілтеме жасап.
Олардың әрбіреуіне 1 жыл бас бостандығынан шектеу жазасы белгіленді, сондай-ақ 3 жыл мерзімге ақпараттық технология және телекоммуникация желілері саласында лауазымды қызмет атқару құқығынан айырылды.
"Тергеу кезінде сотталған адамдар 2023 жылы Ғылым және жоғары білім министрлігі Ұлттық тестілеу орталығының заңмен қорғалатын ақпаратына заңсыз қол жеткізіп, көшіріп алғаны анықталды", - деп жазылған хабарламада.
Олардың Ұлттық бірыңғай тестілеуге, педагогтар мен магистранттардың білімін бағалауға заңсыз араласқаны дәлелденді.