АСТАНА, 14 ақпан – Sputnik. Ресей Украинадағы қақтығысты саяси-дипломатиялық жолмен реттеуге дайын, бірақ Батыс елдері Мәскеудің мүддесін ескермейтіндіктен, келісімге келу мүмкін болмай тұр, деді Ресейдің сыртқы істер министрі Сергей Лавров.
"Біз көптеген жыл бойы қалыптасқан және қазіргі жағдайға әкеліп соқтырған ақиқатты, заңды мүддемізді ескере отырып, саяси және дипломатиялық реттеуге әрқашан ашықпыз", - деді Лавров Мемлекеттік думадағы үкімет сағатында.
"Алайда бізге соғыс жариялағандардың нақты ұсынысы болмағандықтан және олардың біздің мүддемізді де, әлемдегі шындықты да ескергісі келмейтіндіктен, келіссөз үстелінде бас қосу әлі мүмкін емес. Мұндай нұсқаның төбесі көрінбейді", - деді Лавров.