АСТАНА, 13 ақпан – Sputnik. Ұлттық қауіпсіздік комитетінің Алматы облысы бойынша департаменті синтетикалық есірткі өндіретін жасырын зертхананың қызметін тоқтатты, деп хабарлады комитеттің баспасөз қызметі.
2004 жылы 6 ақпанда Алматы маңындағы жеке үйлердің бірінде есірткі зертханасының ұйымдастырушысы ұсталды. Ол психотроптық заттарды дайындау барысында қылмыс үстінде ұсталды.
Күдікті 1995 жылы туған Қазақстан азаматы болып шықты. Тінту кезінде одан 8 келіден астам "мефедрон" психотроптық заты, сондай-ақ оларды дайындауға арналған құрамдас бөліктер мен жабдықтар тәркіленді. Тәркіленген есірткі көлемі шамамен 40 мың бір реттік дозаға тең.
Анықталған есірткінің алдын ала болжамды құны 150 миллион теңгеден асады.
Қылмыстық кодекстің 297-бабының 3-бөлігі (Есірткі, психотроптық заттарды және соның аналогтарын сату, жөнелту немесе өткізу мақсатында заңсыз өндіру, қайта өңдеу, сатып алу, сақтау, тасымалдау) бойынша сотқа дейінгі тергеу амалдары жүргізіліп жатыр.