АСТАНА, 12 ақпан – Sputnik. Минск іс-шаралар пакетінің қабылданған күніне бір жыл толуына байланысты Ресей дүйсенбі күні БҰҰ Қауіпсіздік кеңесінің отырысын өткізуді сұрады. Бұл туралы БҰҰ жанындағы РФ тұрақты өкілінің бірінші орынбасары Дмитрий Полянский Telegram-арнасында жазды, деп хабарлады РИА Новости.
"12 ақпан – Минск іс-шаралар пакетінің қабылданған күні. Біз әріптестерімізге Киев режимі мен оның демеушілері Украинаның ішкі дағдарысын бейбіт жолмен шешудің қандай тарихи мүмкіндікті жіберіп алғанын еске салу үшін БҰҰ Қауіпсіздік кеңесінің отырысын өткізуді сұрадық", - деді Полянский.
Дипломат атап өткендей, Батыстың қақтығысты реттей алмауы басты тақырып ретінде талқыланады.
"Сондай-ақ біз Қауіпсіздік кеңесінің батыс елдеріндегі мүшелерінің әрекеттері салдарынан Кеңес өзінің маңызды міндеттерінің бірі, яғни, дағдарыстар мен қақтығыстардың алдын алуды жүзеге асыра алмағаны туралы сөз қозғаймыз", - деп жазды ол.
Оның айтуынша, кездесу Мәскеу уақыты бойынша 18:00-ге жоспарланған.
Бұған дейін Ресей президенті Владимир Путин америкалық журналист Такер Карлсонға берген сұхбатында Киев билігі Минск келісімдеріне қол қойғанын, бірақ ешқашан оларды орындауды көздемегенін айтқан.