АСТАНА, 24 қаңтар - Sputnik. Жамбыл облысында аурухана басшысының орынбасары мен бұрынғы есепші ұсталды, деп хабарлайды Sputnik Қазақстан тілшісі.
Сыбайлас жемқорлыққа қарсы қызмет бюджет қаражатын аса ірі мөлшерде жымқыру фактісі бойынша қылмыстық іс қозғады. Қалалық көпбейінді аурухана Жамбыл облыстық әкімдіктің денсаулық сақтау басқармасына қарайды.
“Залал сомасы 758 млн теңгеден асады. Соттың санкциясымен күдіктілер, аурухана бас дәрігерінің орынбасары және бұрынғы бас есепші қамауға алынды”,- деді агенттіктің ресми өкілі Арман Тілеукенов бүгінгі брифингте.
Сотқа дейінгі тергеу шаралары жалғасып жатыр.