Ұлттық қауіпсіздік комитеті ірі көлемде синтетикалық есірткі партиясын тәркіледі

Тінту кезінде 200 келіден астам "мефедрон" есірткісінің дайын өнімі және 100 литр шикізаты тәркіленді
Sputnik
АСТАНА, 23 қаңтар – Sputnik.Ұлттық қауіпсіздік комитеті синтетикалық есірткінің рекордты партиясын тәркілеп, заңсыз айналымнан шығарды, деп хабарлайды ведомствоның баспасөз қызметі.
Алматыда жалға алынған жеке үйден есірткі зертханасы анықталды.
Тінту кезінде 200 келіден астам "мефедрон" есірткісінің дайын өнімі және 100 литр шикізаты тәркіленді.
Есірткі зертханасын ұйымдастырушы психотропты заттарды дайындау процессінде қылмыс үстінде ұсталған. Ол 1997 жылы туған Қазақстан азаматы болып шықты.
"Мұндай салмақтағы дайын есірткі заттары бұл зертхана елде ең ірі болғанына негіздеме болады", - деп атап өтті ҰҚК.
Алынған "мефедрон" көлемі шамамен 610 мың бір реттік дозаға эквивалентті.