АСТАНА, 23 қаңтар – Sputnik. РФ қорғаныс министрлігі басшысының орынбасары Виктор Горемыкин арнайы операция аймағындағы "Орталық" әскер тобының әскери қызметшілерін марапаттады, деп хабарлады РИА Новости қорғаныс министрлігіне сілтеме жасап.
"Ресей Федерациясы қорғаныс министрінің орынбасары – РФ қарулы күштері Бас әскери-саяси басқармасының басшысы, генерал-полковник Виктор Горемыкин арнайы әскери операцияны жүргізу кезінде жауынгерлік тапсырмаларды орындау барысында ерлік пен батылдық танытқандарға мемлекеттік және ведомстволық наградаларды тапсыру үшін Орталық әскери округінің танкистерімен кездесті", - деді қорғаныс министрлігі.
Ресей Қорғаныс министрлігінің хабарлауынша, әскери қызметкерлерді марапаттау рәсімі жауынгерлік түйісу желісіне жақын орналасқан "Орталық" әскер тобының танк бөлімшесінің позицияларында ұйымдастырылды.
"Ресей әскери ведомствосы басшысының орынбасарының қолынан әскери қызметшілер "Георгий кресті", "Ерлігі үшін" және "Жуков" медальдарымен марапатталды", - деп хабарлады ресейлік қорғаныс министрлігі.
Ведомствоның мәліметінше, Горемыкин танкистерді құттықтап, майдандағы тапсырмаларды орындап жатқан жауынгерлердің жауынгерлік ерік-жігерін жоғары бағалап, ортақ іске қосқан қызметі мен жеке үлесі үшін алғысын білдірді.