АСТАНА, 21 қаңтар – Sputnik. Командалық спринтте Қазақстанның ерлер құрамасы күміс жүлдеге ие болды, деп хабарлады туризм және спорт министрлігінің спорт және дене шынықтыру істері комитеті.
Қазақстан құрамасы сапында Алтай Жәрдембекұлы, Евгений Кошкин, Никита Важенин мен Артур Галиев (резервте) өнер көрсетті.
Бірінші орынды Канада құрамасы иеленсе, үздік үштікті Оңтүстік Корея конькишілері түйіндеді.
Айта кетейік, биыл 8 мемлекеттен 80-ге жуық спортшы сынға түсті.