АСТАНА, 19 қаңтар – Sputnik. Қазақстан президенті Қасым-Жомарт Тоқаев Рим Папасы Францискпен кездесу үшін Ватиканға келді, деп хабарлайды Ақорда.
Мемлекет басшысының келуіне орай швейцариялық гвардияның Құрмет қарауылы сап түзеп тұрды. Қазақстан президентін Папа сарайы префектурасының регенті Леонардо Сапиенца қарсы алды.
17 қаңтарда президент Қасым-Жомарт Тоқаев Италияға ресми сапармен барды.
Сапар барысында мемлекет басшысы Италия президенті Серджо Маттарелламен және премьер-министр Джорджа Мелонимен келіссөз жүргізді.
Сонымен қатар Тоқаев "Қазақстан-Италия" инвестициялық дөңгелек үстеліне қатысып, бірқатар ірі компания басшыларымен кездесулер өткізді.