АЛМАТЫ, 15 қаңтар – Sputnik. Рим папасы Франциск екі тараптың ұстанымдарын салыстыру үшін Ватиканда Ресей және Украина өкілдерінің келіссөзін жүргізу мүмкіндігін қарастырып жатыр. Бұл туралы РИА Новостиге Дүниежүзілік ескі әдет-ғұрыпты сақтаушылар одағының төрағасы Леонид Севастьянов айтты.
"Қазір папа бейбіт келіссөз бойынша шағын саммит дайындап жатыр. Яғни, ресейлік және украиналық дипломатиялық корпуспен келіссөздер жүргізу және өзара ұстанымдарды тексеру үшін екі елдің делегаттарын Ватиканға шақыру идеясы әзірленуде", - деді ол РИА Новостиге. Ол қазір Рим папасы осы тақырып бойынша кеңес өткізіп жатқанын айтты.
Мәскеу бұған дейін келіссөздерге дайын екенін бірнеше рет айтқан болатын, ал Киевте оған заңнамалық деңгейде тыйым салынды.
Бұрын Кремль Украинадағы жағдайды бейбіт бағытқа ауыстырудың алғышарттары қазір жоқ екенін айтты.
Ресей мен Украинаарасындағы қақтығыс 2022 жылдың 24 ақпанында басталды. Ресей президенті Владимир Путиннің айтуынша, Ресей 30 жыл бойы НАТО-мен Еуропадағы қауіпсіздік принциптері туралы келіссөз жүргізуге тырысты, бірақ одақ Мәскеудің наразылығына қарамастан, тұрақты түрде кеңейіп, Ресей Федерациясының шекараларына жақындады.