АЛМАТЫ, 8 қаңтар – Sputnik. Орал қаласында жеке секторда төтенше жағдай болып, 1530 абонент электр қуатынсыз қалды, деп хабарлады "Мой город" порталы.
"109" бірыңғай қызметінің мәліметінше, сегізінші қаңтар күні таңертең Балауса және Болашақ шағын аудандарында электр қуаты апатты түрде сөндірілді. Жеке сектордың 1530 абоненті электр қуатынсыз қалды. Айтпақшы, жеке үйлердегі жылу жүйесі электр қуатымен жұмыс істейді.
Қалалық әкімдік ақауды жою үшін апаттық бригада сол жерге кеткенін хабарлады.
Айта кетері, бүгінде Оралда сынап бағанасы -25 градусты көрсетіп тұр. Бастауыш сынып оқушыларын қашықтан оқытуға ауыстыруға тура келді.