АСТАНА, 8 қаңтар – Sputnik. 7 қаңтар күні Астана көшелерінен 35 мың текше метрден астам қар шығарылды, бұл 2741 жүк рейсін құрайды, деп хабарлады қала әкімдігінің ресми сайты.
Жауын-шашынның мол түсуіне байланысты елорданың коммуналдық қызметкерлері тәулік бойы жұмыс істеп, қала көшелерін қардан тазартып жатыр.
"300-ден астам жол жұмысшысы 1200-астам техникамен түнгі ауысымда көшелерді қардан тазартуға шықты", - делінген хабарламада.
Ең алдымен, ережелерге сәйкес, жолдарда кептеліс болмас үшін өте қарқынды қозғалыс аймақтары тазартылады.
Сондай-ақ орташа қозғалыс қарқындылығы бар учаскелер-алаңдар, вокзал маңы аумақтары, тротуарлар, әлеуметтік нысандарға кірме жолдар және т. б. қардан тазартылады.
Қыс маусымының басынан бастап елордада 1 406 985 текше метр қар шығарылды, бұл 103 мыңнан астам ауыр жүк рейсін құрайды.
"Қазгидромет" РМК мәліметінше, 8 қаңтарда Астанада ауа райы бұлтты, кейде қалың қар, боран болуы мүмкін. Оңтүстік-батыстан соққан желдің жылдамдығы 9-14, екпіні 15-20 м / с дейін күшеюі мүмкін. Ауа температурасы түнде және күндіз 0-2 градус аязды көрсетіп тұр.