АЛМАТЫ, 7 қаңтар - Sputnik. Қазақстандық Анна Данилина Оклендте (Жаңа Зеландия) өткен WTA 250 турнирінде екі разрядта жеңіске жетті, деп хабарлайды Қазақстан теннис федерациясы.
Ол Словакиядан Виктория Хрунчаковамен дуэт ойнады.
Финалда Анна мен Виктория американдық Бетани Маттек-Сандс пен Чех Мария Боузкованы жеңді- 6:3, 6:7(5), 10:8. Ойын бір сағат 50 минутқа созылды.
Бұл WTA-дағы Аннаның бесінші жұптық кубогы. Ол бұған дейін турнирлерде: Сидней (WTA 500), Гамбург (WTA 250), Варшава (WTA 250), Гданьск (WTA 250) жеңіске жеткен.
Бұған дейін WTA 500 финалында қазақстандық теннисші Елена Рыбакина әлемдік рейтингте екінші орын алған Беларусь Арина Соболенконы жеңген болатын.
Турнир соңында Елена Рыбакина үздік үштіктің қатарына қайта оралды, ол дүйсенбіде ресми түрде жарияланады.