АСТАНА, 5 қаңтар – Sputnik. Qarmet акционері Андрей Лаврентьев пен Qarmet бас директоры Вадим Басин Теміртау қаласындағы ЖЭО-2, ЖЭО-ПВС және кокс-химия өндірісінің қазіргі қызметімен танысты, деп хабарлады компанияның баспасөз қызметі.
Кокс-химия өндірісінің директоры Руслан Деревянко өндіріске шикізат уақытында жеткізіліп отырғанын баяндады.
Qarmet шахталарында қалпына келтіру жұмыстары басталды
© Photo : Пресс-служба Qarmet
"Кездесу барысында апатты ғимараттар, құрылыстар, газ құбырлары бойынша ең өзекті деген мәселелер талқыланды. Аталған мәселелердің барлығы бірінші кезекте пысықталады. Сондай-ақ қолданыстағы кокс батареяларын жөндеу және салу маңызды", - деді Кокс-химия өндірісінің бас инженері Анатолий Фадеев.
Желтоқсан айында компанияның сегіз шахтасының тек екеуі ғана жұмыс істеген болатын. Жұмыстың тұрып қалуы өндірістік көрсеткіштерге де, кеншілердің жалақысына да кері әсер етеді.
Сондай-ақ компания басшылығына Саран шахтасының жағдайы таныстырылды. Биыл онда бірнеше лаваны іске қосу жоспарланып отыр.
"Біз 600 метр тереңдікке түстік. Онда біз наурыз айында іске қосуды жоспарлап отырған 71 К-12/3 болашақ лаваның монтаждау камерасына бардық. Сонымен қатар тағы бір 41 К7 в лава болады. Бұл К12 және К7 маркалы көмір өндірудің жылдық көлеміне 1,3 млн тоннаға дейін шығуға жағдай жасайды", - деп атап өтті Саран шахтасының директоры Сергей Бамилер.
Инспекция қорытындысы бойынша Андрей Лаврентьев шахтерлердің өздері ұсынған жаңашылдық процестерін егжей-тегжейлі қайта зерделеуді тапсырды.