АСТАНА, 28 желтоқсан – Sputnik. Ресей жыл ішінде айтарлықтай күшейді, Батыс Ресейді әлсірету саясатының кері нәтижесінің куәсі болып отыр, деп мәлімдеді РФ сыртқы істер министрі Сергей Лавров "Россия сегодня" медиа тобының бас директоры Дмитрий Киселевке берген сұхбатында.
"Олар мұны қалаған жоқ, керісінше болды, олар халықтың бірігуіне себепші болды", - деді Лавров.
Ол Батыстың басты мақсаты шын мәнінде НАТО-ны кеңейту емес, Ресейді стратегиялық жеңіліске ұшырату екенін айтты. Бірақ бұл істе Батыс сәтсіздікке ұшыраған.
Сонымен қатар Ресей сыртқы істер министрі "әлемнің көпшілігі санкцияларға қосылмағанын" еске салды.
Лавров мемлекет президенті бастаған бүкіл Ресей халқы жеңіске, соның ішінде Украинадағы қақтығыста жеңіске қарай қозғалысты қамтамасыз етіп жатқанын айтты.
"Біздің жеңісіміз дипломатиялық қана емес. Біріншіден, бұл майдан шебінде, арнайы әскери операция аймағындағы жеңіс. Бірақ тыл болмаса, ондағы халықтың қолдауы болмаса, нәтиже мүлде басқаша болар еді. Біздің бүкіл халқымыз, президент бастаған бүкіл билік алға қарай қозғалысты қамтамасыз етуде", - деді Лавров.
Ол бүкіл ел, қоғамның барлық тобы жеңіс үшін еңбек етті және еңбек етуді жалғастрып жатқанын айтты.