2023 жылдың 6 ақпанындағы қорқынышты жер сілкінісі Түркияның оңтүстік-шығысында және Сирияның солтүстігінде үлкен аумақтарды қиратты. Жер сілкінісі болған аймақтарда миллиондаған адам зардап шекті, олардың көпшілігі баспанасыз қалды.
Суретте: Түркияның Диярбакыр қаласындағы жер сілкінісінен қираған ғимарат орнындағы құтқару жұмыстары, 6 ақпан, 2023 жыл.
Апат салдарынан Түркияда 50 500-ден астам адам, Сирияда 8 476 адам қаза тапты.
Суретте: адамдар Сирияның Алеппо қаласындағы жер сілкінісінен қираған тұрғын үйдің үйінділерін тазалау кезінде құрылыс техникасының жұмысына қарап тұр, 2023 жылдың 7 ақпаны.
2023 жылдың ақпанында Африканың 14 еліндегі су тасқынынан 2156 адам қаза тапты.
Суретте: Ер адам нөсер жаңбыр салдарынан су тасқыны шайып кеткен жолды кесіп өтпек болып, жүгін сүйреп бара жатыр, Кения, 25 қараша, 2023 жыл.
Грекия орман өртінен қатты зардап шекті. Аймақтағы өсімдіктердің барлығы дерлік өртеніп кеткендіктен, адамдар жоғары температурадан қашып, жаппай жағажайларды паналады.
Суретте: Грекияның Родос аралындағы орман өрті кезінде құтқарылған қояндар және мысықты құшақтап тұрған өрт сөндіруші, 24 шілде, 2023 жыл.
Италияда толассыз жауған жаңбырдан кейін 20-дан астам өзен арнасынан шығып, 280 көшкін жүрді. Апат салдарынан 17 адам қаза тауып, 50 мың азамат үйлерін тастап кетуге мәжбүр болды.
Суретте: 2023 жылдың 18 мамырындағы нөсер жаңбыр кейін Италияның солтүстігіндегі Эмилия-Романья (Италия) аймағында су тасқынына себеп болғаннан кейін Равенна маңындағы Луго қаласындағы су басқан көшелер.
Гавайиде 9 тамызда орман өрті болды. Мауи аралында өрт салдарынан 115 адам қаза тапты. 2,2 мыңнан астам ғимарат қираған немесе бүлінгені тіркелді.
Суретте: Лахайнадағы өрттен кейін күйе басқан көліктер мен ғимараттар, Гавайи, 22 тамыз, 2023 жыл.
Ауғанстанның бірқатар ауылдары мен провинциялары қазан айында болған күшті жер сілкінісінен қирап қалды. 2,5 мыңға жуық адам құрбан болды, кем дегенде 10 мың адам жарақат алды.
Суретте: Ауғанстанның батысындағы Герат провинциясында жер сілкінісі кезінде қаза тапқан інісінің зиратының жанында бауырын жоқтап отырған ауған баласы, 8 қазан, 2023 жыл.
2023 жылғы шығысазиялық жаңбыр маусымы кезінде Корея Республикасының кейбір аймағын қатты жаңбыр мен көшкіннің салдарынан су басты, бұл негізінен Чхунчхон-Пукто және Кёнсан-Пукто провинцияларындағы тұрғын аудандарға зардап әкелді. Кем дегенде 47 адам қайтыс болды.
Суретте: Құтқарушылар Оңтүстік Кореяның Чхонджу қаласындағы жерасты туннельіне апаратын су басқан жол бойынан аман қалғандарды іздеп жатыр, 2023 жылдың 16 шілдесі.
Үндістанның солтүстік-шығысында толассыз жаңбырдан мұздық көл жарылып, жүзден астам адам із-түзсіз жоғалды. Бұл сәрсенбіде Гималайдағы Сикким штатын басып қалған су тасқынына әкелді. 19 адам қаза тауып, жолдар мен көпірлерді су шайып кеткен.
Төтенше оқиға орнынан түсірілген сурет.
Мароккодағы жер сілкінісі, 8 қыркүйек. Марракеш-Сафи аймағындағы 6,8 балдық жер сілкінісі салдарынан 320 мыңға жуық адам зардап шекті, 2,9 мыңнан астам адам қаза тапты, 5,5 мыңнан астам адам жарақаттанды. Табиғи апат Марракештегі тарихи ескерткіштерді зақымдаумен қоса, жаппай қирауға әкелді.
Суретте: Мароккодағы жойқын жер сілкінісінен аман қалғандар, 2023 жылдың 17 қыркүйегі.
Биыл Калифорниядағы Мохаве шөлінде ең ірі өрт болды. Бұл Калифорниядағы осы жылғы ең ірі өрт. Атақты Джошуа ағаштары зақымданды.
2023 жылдың 3 қарашасында Үндістан мен Непал шекарасындағы батыс Джаяркот ауданында магнитудасы 6,4 болатын жойқын жер сілкінісі болды. Биліктің хабарлауынша, кем дегенде 153 адам қаза тапқан.
Суретте: Жер сілкінісінен зардап шеккен үйде ұлы, келіні және немересі қайтыс болған әйел жылап отыр, Непал, 5 қараша, 2023 жыл.
Чилидің Винья-дель-Маре қаласында көшкін жүріп, тереңдігі 5 метрдей ойпат пайда болды. Осы оқиға салдарынан жақын маңдағы төрт ғимараттағы 200-ге жуық тұрғын эвакуацияланды.
Биыл Бейжіңде жауған нөсер жаңбыр соңғы 140 жылдағы ең көп жауған жауын болды.
2023 жылдың мамыр айында Конго Демократиялық Республикасының Оңтүстік Кивудағы Бушушу және Ньямукуби ауылдарында су тасқыны салдарынан кем дегенде 411 адам қаза тауып, 5525 адам із-түзсіз жоғалды.
Пәкістанда көшкін 8 адамның өмірін қиды. Ауғанстанға бет алған ондаған жүк көлігі лайдың астында қалды. Суретте: Құтқарушылар мен еріктілер Пәкістанның шекарасының маңында орналасқан Торхам қаласына жақын жердегі көшкіннен мерт болғандардың мәйітін алып бара жатыр, 2023 жылдың 18 сәуірі.
Ливиядағы су тасқыны салдарынан елдің шығысында қаза тапқандар саны 11 мыңнан асып, 20 мыңға жуық адам із-түзсіз жоғалды.
Суретте: Алжирлік құтқару тобының мүшесі шұғыл көмек көрсету жұмыстары кезінде қайғырып отыр, Ливия, 17 қыркүйек, 2023 жыл.