АСТАНА, 26 желтоқсан– Sputnik. Еуропалық қайта құру және даму банкінің сарапшылары орта мерзімді перспективада Ақтау порты арқылы жүк тасымалдау көлемі бес есеге артатынын болжап отыр, деп хабарлайды "Қазақстан темір жолы" ұлттық компаниясының баспасөз қызметі.
Мұндай өсім орта мерзімді перспективада Транскаспий халықаралық көлік маршрутын, "Солтүстік – Оңтүстік" дәлізінің және басқа да көлік-логистика бағыттарын дамытуға байланысты.
"Қазіргі уақытта Ақтау порты жылына 70 мың жиырма футтық контейнерді қайта өңдеуге қабілетті. 2025 жылы қайта тиеу техникасы паркін жаңартқаннан кейін бұл көрсеткіш жылына 100 мың жиырма футтық контейнергедейін өседі деп күтілуде", - делінген хабарламада.
Еуропалық қайта құру және даму банкінің жүргізген алдын ала бағалауынша, көлік және логистикалық қуат дамыған жағдайда, 2030 жылдан 2035 жылға дейінгі кезеңде Каспий торабындағы көлемдердің өсуі жылына кемінде 1 млн жиырма футтық контейнерді құрайды.
Дүниежүзілік банктің бағалауынша, Транскаспий халықаралық көлік маршруты дәлізінің тартымдылығын арттыру үшін жоғары сапалы үйлестіру, логистика және цифрлық технологияларды, сондай-ақ орта мерзімді перспективада инвестицияларды енгізу арқасында тиімділіктің үйлесімі қажет.
Бұл шараларды орындау 2030 жылға қарай тасымалдау көлемін үш есеге 11 млн тоннаға дейін ұлғайтуға мүмкіндік береді. Транзиттік жүктер көлемінің басым бөлігі Еуропа мен Қазақстан арасындағы, сондай-ақ Еуропа мен Қытай арасындағы саудаға тиесілі. Бұл ретте шамамен 4 млн тонна контейнерлік тасымалдарға болжамды сұранысқа байланысты болмақ.