АСТАНА, 26 желтоқсан – Sputnik. 2023 жылдың үшінші тоқсанының қорытындысы бойынша Қазақстандағы қала тұрғындарының саны 12,4 миллион адамға жетті, деп хабарлайды Energyprom.
Бұл бір жыл бұрынғыдан 2%-ке, бес жыл бұрынғыдан 17%-ке және он жыл бұрынғыдан бірден үштен бірге артық. Бес жыл бұрын бұл көрсеткіш 57,8% болса, он жыл бұрын 55% болғанымен, қала халқының үлесі қазір 62%-ға жетті.
Бұған дейін Алматы әкімі Ерболат Досаев болжам бойынша 2030 жылға қарай Алматы агломерациясындағы халық саны 4,5 миллион адамға дейін өсетінін айтты. Қазір халық саны 3,5 миллион адамға жетті.
Сондай-ақ Досаев Қазақстан президентінің тапсырмасын жүзеге асыру аясында 2022 жылдың соңында "Алматы қаласын дамытудың 2025 жылға дейінгі бағдарламасы және 2030 жылға дейінгі орта мерзімді перспективалар" бекітілгенін мәлімдеді.
Бұл бағдарлама жеті басты қағидаға негізделген:
қаладағы жайлы орта;
тұрақты экономикалық өсім;
басқарылатын урбанизация;
әлеуметтік тұрақтылық;
жасыл Алматы;
Smart City;
қала қауіпсіздігі.
Бағдарлама негізінде Алматы қаласының 2040 жылға дейінгі жаңа бас жоспары әзірленіп, оны Қазақстан үкіметі осы жылдың мамыр айында бекітті.