АСТАНА, 25 желтоқсан – Sputnik. Үш облыста ауа райының бұзылуына байланысты республикалық маңызы бар автожолдардың бес учаскесінде көлік қозғалысына шектеу енгізілді, деп хабарлайды Қазавтожол.
Ақмола облысында үш учаскеде жол жабылды:
"Астана-Петропавл" автожолында 18-234 км, Астана қ.- Щучинск қ. ("КАЖсервис" ЖШС қызмет көрсететін ақылы аумақ) – 216 км.
"Астана-Ерейментау-Шідерті" автожолында 16-200 км, Астана қ.- Павлодар облысының шекарасына дейін – 184 км.
"Екатеринбург - Алматы" автожолында 1292-1353 км, Жібек Жолы ақы алу пунктінен – Қарағанды облысының шекарасына дейін – 61 км.
Қарағанды облысында бір учаскеде:
"Екатеринбург - Алматы" автожолында 1353-1426 км, Ақмола облысының шекарасынан Теміртау ақы алу пунктіне дейін – 73 км.
Павлодар облысында бір учаске:
"Астана-Ерейментау-Шідерті" автожолында 205-259 км, Ақмола облысының шекарасынан- Шідерті ауылына дейін – 54 км.
Көліктің барлық түріне шектеу енгізілді. Қазіргі уақытта республикалық маңызы бар автожолдарда 621 бірлік техника жұмыс істеп жатыр.