АСТАНА, 20 желтоқсан – Sputnik. Арнайы әскери операция бойынша жұмыс тобы қаңтар айында Ресей президенті Владимир Путинге бір жылдағы жұмыстың қорытындылары туралы есеп береді. Бұл туралы топ басшысы, Федерация Кеңесі төрағасының бірінші орынбасары, "Единая Россия" Бас кеңесінің хатшысы Андрей Турчак өз Telegram арнасында мәлімдеді, деп хабарлады РИА Новости.
"Осыдан тура бір жыл бұрын прнзиденттің өкімімен Арнайы әскери операция бойынша жұмыс тобы құрылды. Осы уақыт ішінде жұмыс тобының бастамасымен арнайы әскери операцияға қатысушыларды қолдау бойынша шаралар кешені қабылданды және жауынгерлердің отбасыларына көмек көрсету шаралары айтарлықтай кеңейді. Қаңтар айында топтың бір жылдағы жұмысының қорытындысы туралы президентке есеп береміз", - деп жазды Турчак.