АЛМАТЫ, 19 желтоқсан – Sputnik. Егер Донбасс бойынша Минск келісімдері орындалған болса, онда бәрі "біртіндеп біріктірілетін еді". Бұл туралы Ресей Федерациясының президенті Владимир Путин мәлімдеді, деп хабарлайды РИА Новости.
"Бізде Қырымды қолдаудан басқа амал қалмады, әйтпесе олар сол жерде қырғын ұйымдастырар еді. Бірақ Донбасс мәселесі туындады. Білесіздер, біз сабырлы түрде келісімге келуге тырыстық. Жалпы, біз Минск келісімдерінде белгіленген белгілі бір шарттар арқылы Донбасты қоса алғанда, Украинаның аумақтық тұтастығын онда тұратын халыққа қауіп төндірмеу үшін, онда қажетті жағдайлар жасалып, қауіпсіздікке кепілдік беру үшін біртіндеп қалпына келтіруге дайын болдық", - деді Путин қорғаныс министрлігінің кеңейтілген алқа мәжілісінде.
Ресей президентінің айтуынша, "Минск келісімдерінің мәні осында".
"Егер Украина билігі мен Батыстағы қожайындар осы келісімдерді жүзеге асыруға барған болса, менің ойымша, бәрі бірте-бірте біріктірілген болар еді", - деді ол.
Путин оның орнына қарсыластар "2014 жылы дәл сол жерде соғысты бірден бастағанын"еске салды.
"Олар бізді осытәртіпсіздікке жауап беруге мәжбүр етті", - деді Путин.
Ресей президенті сондай-ақ Мәскеудің Украина мәселесі бойынша келіссөздер жүргізуге дайын екенін, бірақ мұны Ресейдің мүдделеріне сүйене отырып жасайтынын атап өтті.