АСТАНА, 19 желтоқсан – Sputnik. Арнайы операцияға қатысушылардың барлығы, еріктілер мен жасақшылар және олардың отбасылары бірдей әлеуметтік кепілдіктерге ие болуы керек. Бұл – әділдік пен бауырластық принципі, деді Владимир Путин қорғаныс министрлігінің алқа мәжілісінде.
"Арнайы операцияға қатысушылардың барлығы – келісімшарттағы әскерилер, еріктілер, жұмылдырылған азаматтар, жеке құрама жауынгерлері, жауынгерлік жолы 2014 жылы басталған Донбасс жасақшылары Ресейдің барлық қорғаушылары, қаза тапқан батырларымыздың отбасылары, жолдастарымыз бірдей әлеуметтік кепілдіктерге ие болуы керек. Бұл – әділдік пен әскери бауырластық принципі", - деді Путин.
Ол бұл қағиданың соғыс ардагері мәртебесін алуға да қатысты екенін атап өтті.
Путин сондай-ақ, соңғы уақытта АӘО қатысушыларына көмек көрсету жүйесін құру үшін көп жұмыс жасалғанын, бірақ шешілмеген мәселелер әлі де бар екенін атап өтті.
"Өткен жылы келісімшарттағы әскерилерге, жұмылдырылған азаматтарға да, еріктілерге де ақшалай жәрдемақылар беру жүйесін құру, сондай-ақ олардың отбасыларына қосымша төлемдер, жеңілдіктер мен өтемақылар беру үшін көп жұмыс жасалды. Сонымен бірге, проблемалар әлі шешілген жоқ, олар әлі де бар", - деп атап өтті Путин.
Ол қорғаныс министрлігі өңірлермен бірлесіп туындаған проблемаларды жедел шешу, төлемдерді "уақытылы және толық көлемде" қамтамасыз ету қажет, ал жараланған АӘО қатысушылары қажетті медициналық қызмет алуы тиіс екенін атап өтті.
Путин әскери қызметшілерге берілетін жеңілдіктер мен өтемақылар жүйесі жетілдірілетініне, сондай-ақ осы санаттағы азаматтарды тұрғын үй және әлеуметтік бағдарламалармен қамту бойынша жұмыс жалғаса беретініне уәде берді.