АСТАНА, 12 желтоқсан – Sputnik. Алматыда 13-14 желтоқсанда қатты аяз болады, деп хабарлады қала әкімдігінің баспасөз қызметі синоптиктерге сілтеме жасап.
"Қазгидромет ұсынған ресми ақпаратқа сәйкес биылғы жылдың 13-14 желтоқсанында ауа райы күрт суытады (13 желтоқсанда түнде 23-25 градус, ал 14 желтоқсанда түнде 25-27 градус қатты аяз болады)", - деп жазылған хабарламада.
Осыған байланысты биылғы жылдың 13-14 желтоқсанында 0,1-9 сынып оқушылары қашықтан оқыту форматына көшеді.
Еске сала кетейік, 11-13 желтоқсан күндері ауа температурасы түнде және күндіз -33 градусқа дейін төмендейтіні хабарланды. Синоптиктер қала тұрғындарын жарақат алып, үсік шалмау үшін ұзақ уақыт көшеде болмауға шақырды.