АСТАНА, 11 желтоқсан — Sputnik. Мәжілістегі Үкімет сағатында ІІМ басшысы Ержан Сәденов есірткі жасырушылар үшін жазаны жеңілдету жоспары туралы айтты, деп хабарлайды Sputnik Қазақстан тілшісі.
Қоғамда есірткі жасырушыларға жазаның шамадан тыс қатаң екендігі туралы мәселе талқыланып жатыр, деді министр. Ержан Сәденовтың айтуынша, жастар оңай ақша табамын деп, құқықтық сауатының болмауынан осы қылмысқа тап болып жатыр. Күні бүгінге дейін есірткі жасырумен айналысқан алты кәмелетке толмаған сотталып, тағы 26 жасөспірім қылмыстық жауапкершілікке тартылған.
"Есірткі жасырумен айналысқан жасөспірімдердің жазасын жеңілдету мәселесі қарас ырылып жатыр. Ол қандай жағдайда, егер қылмыс алғаш рет жасалса және тергеу кезінде есірткімен айналысатын нағыз кінәлілерді табуға көмекетессе", - деді министр Сәденов мәжілісте.
Сондай-ақ есірткі зертханаларын ұйымдастыруға жауапкершілікті күшейту бойынша түзетулер әзірленді, деп атап өтті ол.
"Қазір есірткі зертханаларын ұйымдастырғандар мен сатумен айналысқан адамдар тобы аса ірі көлемдегі есірткі үшін 10 жылдан 15 жылға дейінгі жаза қолданылады. Енді дәл осы қылмыс үшін айыпты Қылмыстық Кодекстің 297-бабы 4-бөлігімен 15 жылдан 20 жылға дейін немесе өмір бойына бас бостандығынан айырылады", - деді Сәденов.
Әлемде есірткі құралдарының 1000-нан астам түрі бар, олардың 700-ге жуығы Қазақстанда.