АСТАНА, 7 желтоқсан – Sputnik. Украина әскерилері бір тәулік ішінде Ресейдің Белгород облысына 130-дан астам снаряд атты, деп хабарлады РИА Новости облыс губернаторы Вячеслав Гладковтың сөзіне сілтеме жасап.
Бейсенбіде губернатор өзінің Telegram каналында 6 желтоқсанда жасалған соққылар туралы жиынтық мәлімет жариялады. Кейінгі тәулікте Украина әскері шекара маңындағы алты муниципалитетті атқылап, барлығы 133 снаряд ұшырған, оның екеуі дроннан атылған.
Сонымен қатар камикадзе дрондары арқылы шабуыл жасалған, бірнеше ұшқышсыз ұшатын аппарат атып түсірілген. Айта кетері, желтоқсан айының басынан бері мұншама көп снаряд алғаш рет атылып отыр. Қарашаның екінші жартысында тек екі рет, 14 және 28 қарашада снарядтардың саны күніне жүзден асқан.
"Белгород ауданында Журавлевка ауылына 9 артиллериялық снаряд, Щетиновка ауылына 4 артиллерия және 17 миномет снаряды, ал Красный Хутор және Наумовка ауылдарына сәйкесінше 3 және 6 артиллериялық снаряд атылды. Сондай-ақ Красный Хуторда ұшқышсыз ұшатын аппараттан2 жарылғыш құрылғы тасталды", - деп жазды Гладков.
Ол Борисов ауданында Лозовая Рудка елді мекенінің шеті екі рет минометпен, 29 рет гранатометпен атқыланғанын айтты.
Грайворонск округінде, губернатордың айтуынша, Горковский елді мекенінде инфрақұрылымдық байланыс нысаны мен "Грайворон" халықаралық автокөлік өткізу бекетіне камикадзе дрондары шабуыл жасаған. Козинка ауылының шеті минометтен 16 рет атқыланды, бір үйге зақым келді. Рождественка және Сподарюшино ауылдарының шетіне барлығы 9 миномет снаряды атылды, деп нақтылады облыс басшысы.
"Шебекин қалалық округінде Мухин шаруа қожалығына, Новая Таволжанка және Муром ауылдарына үш миномет снаряды атылды. Сондай-ақ Мухин елді мекенінің үстінде ұшқышсыз ұшатын аппарат атып түсірілді", - деді аймақ басшысы.
Краснояруж ауданында Вязовое ауылының шетіне 14 артиллериялық снаряд атылып, электр желілері зақымданған. Гладковтың айтуынша, қазір электрмен жабдықтау желілері қалпына келтірілді. Репяховка, Колотиловка және Прилесье ауылдарының шетіне барлығы 13 артиллериялық снаряд атылды.