АЛМАТЫ, 7 желтоқсан – Sputnik. Тараз прокуратурасыжылу беру мекемесіндегі заңсыздықты анықтады.
"ТаразТрансЭнерго" мекемесі 58,4 млн теңгеге инвестициялық бағдарламаның шартын орындамаған, деп хабарлады Жамбыл облысының прокуратурасы.
Жыл сайын кәсіпорында жылу желілерін, аспаптарды және басқа жабдықтарды жаңарту жоспарланады. Бұған жылу қуатын тұтынған халықтан түскен қаражат жұмсалады.
"Алайда мекеме тарапынан М-3 қалалық магистралін жаңарту бойынша жылдық жоспар орындалмаған. Тараз қаласы прокуратурасы қадағалау актісін енгізіп, монополияға қарсы органмен өтемақы тарифі енгізілді", - деп жазылған ведомство хабарламасында.
Нәтижесінде 1 441 абонент пен 225 кәсіпкер үшін жылу тарифі м3 үшін 2 348,71 теңгеден 2 232,83 теңгеге дейін, яғни 4,9% - ға төмендеді.
Монополияға қарсы заңнаманы бұзғаны үшін "ТаразТрансЭнерго" мемлекеттік коммуналдық кәсіпорнына 552 мың теңге айыппұл салынды.