АЛМАТЫ, 28 қараша – Sputnik. Каспий құбыры консорциумында (КҚК) мұнай тиеудің тоқтауына байланысты Теңіз кен орнында тәуліктік мұнай өндіру көлемі 84 мың тоннадан 39 мың тоннаға дейін төмендеді, деп хабарлады энергетика министрінің кеңесшісі Шыңғыс Ілиясов. Қазақстанның ірі кен орындарында мұнай өндіру 56%-ке төмендеді.
"Қазіргі уақытта еліміздің ірі кен орындарында өндіріс 56%-ке төмендеді. Қазақстанның энергетика министрлігінде жағдайдың қай уақытта қалыпқа келетіні туралы нақты дерек жоқ. Ал қазірше өндірісті азайту және түзету сол қалпы қалады", - деді Ілиясов журналистерге.
"Новороссийск теңіз портының капитаны дауылды ескерту жариялады, оған сәйкес КТК теңіз терминалында мұнай тиеу тоқтатылды, танкерлер күту аймақтарына жіберілді", - делінген хабарламада.
Компанияның резервуарлық парктері іс жүзінде толы, деп толықтырды компания.
Осыған байланысты жүк жөнелтушілерден мұнай қабылдау төменгі режимде жүргізіледі, деп атап өтті консорциум.
"КҚК Қара теңіздегі консорциумның теңіз терминалы жабдықтарын пайдалану кезінде қоршаған ортаны қорғау және өнеркәсіптік қауіпсіздікті қамтамасыз ету және апаттық жағдайды болдырмау мәселелерін назарда ұстайды", - деп хабарлады компания.
КҚК тиісті нұсқауларға сүйене отырып, мұнайды ауыстырып тиеу тоқтатылғанын хабарлады, мұндай жағдайлар туындаса болашақта да осы шара қолданылуы мүмкін.
Ауыстырып тиеуді қайта бастау туралы қосымша хабарланады, деп толықтырды компания.