АЛМАТЫ, 23 қараша – Sputnik. Жамбыл облысында заңсыз көші-қон ұйымдастырған үш адам ұсталды, деп хабарлады Бас прокуратура.
Қордай ауданының аумағында соңғы жарты жылда Оңтүстік Азия елдері – Пәкістан, Непал, Шри-Ланка азаматтары шекарадан заңсыз жиі өтетін болған.
"Биыл 19 қыркүйекте Қылмыстық кодекстің 394-бабының 2-бөлігі "Адамдар тобымен алдын ала сөз байласу арқылы заңсыз көші-қон ұйымдастыру" бойынша қылмыстық іс тіркелді. Заңсыз көші-қон ұйымдастырған үш адам ұсталды", - деп жазылған ведомствохабарламасында.
Олар Оңтүстік Азия елдерінің 20 азаматын Қырғыз Республикасынан мемлекеттік шекараның өткізу пункттерінен тыс жерлерден заңсыз өткізген. Күдіктілер Қазақстан мен Қырғызстан азаматтары. Қазіргі күні қамауға алынды.