АСТАНА, 21 қараша - Sputnik. Қазақстан мен Өзбекстан арасындағы теміржол тасымалының жалпы көлемі 21%-ке өсті, деп хабарлады "Қазақстан темір жолы "ҰК"АҚ.
Бүгін Ташкентте "Қазақстан темір жолы"ҰК" АҚ мен "Өзбекстан темір йуллари" АҚ арасында теміржол көлігі саласындағы ынтымақтастықты ары қарай дамыту және жүктерді тасымалдау көлемін ұлғайту мәселелері бойынша келіссөздер өтті, деп атап өтті Ұлттық компания.
"Қазақстан мен Өзбекстанның теміржол әкімшіліктерінің тиімді жұмысы атап өтілді, нәтижесінде тасымалдар қарқынды дамыды және 2023 жылдың 10 айында екі ел арасындағы тасымалдардың жалпы көлемі 21%-ке оның ішінде Қазақстаннан Өзбекстанға экспорт көлемі 37%-ке өсті", - делінген хабарламада.
Тараптар компанияларға өзара тиімді ынтымақтастықты нығайтудың және жүктерді тасымалдау үшін, оның ішінде бәсекеге қабілетті тарифтік саясат жүргізу және тасымалдау процесін цифрландыру арқылы қолайлы жағдайлар жасаудың маңыздылығын атап өтті.