АСТАНА, 6 қараша – Sputnik. "Қазақмыс" компаниясының 39 жастағы қызметкері шахтада қаза тапты. Жазатайым оқиға Шығыс Жезқазған кенішінің №57 шахтасында болды.
"Жұмысты орындау кезінде 1984 жылғы тау-кен шебері ауыр жарақат алып, көз жұмды. Арнайы комиссия жазатайым оқиғаның мән-жайы мен себептерін анықтап жатыр", - делінген хабарламада.
Бұған дейін "Қазақмыс" кенішінде алты жұмысшы жарақат алғаны хабарланған болатын. Конвейердің роликтерін тексеру кезінде жұмысшылар "Стакермен" бірге кен үйіндісіне құлаған. Оқиға Ұлытау облысында "Қазақмыс" тобының "Жыланды" кенішінде болды.