АСТАНА, 27 қазан - Sputnik. Ресей Федерациясының қорғаныс министрлігі 27 қазанда арнайы әскери операцияның барысы туралы қысқаша мәлімет жариялады.
21-27 қазан аралығында Ресей Федерациясының Қарулы күштері артиллериялық оқ-дәрілері бар арсеналдарға, экипажсыз катерлерді сақтау орындарына, әскери аэродром инфрақұрылымына, сондай-ақ жанар-жағармай базаларына дәлдігі жоғары қарумен және пилотсыщ ұшу аппараттарымен 19 топтық соққы берді.
Сонымен қатар, украиналық әскерилер, ұлтшылдар мен шетелдік жалдамалы жауынгердердің шоғырлану орындарына соққы жасалды. Соққылардың нәтижесінде барлық белгіленген нысаналар қиратылды.
Бір аптаның ішінде Украина қарулы күштерінің 54-ші механикаландырылған, 56, 57 және 58-ші мотоатқыштар бригадаларының, аймақтық қорғаныс қызметінің 110-шы және 115-ші бригадаларының 54 әскери қызметкері Ресей әскерлеріне өз еркімен тұтқынға берілді.
Өткен кезеңде 208 украиналық пилотсыз ұшу аппараты әуе шабуылына қарсы қорғаныс жүйелері арқылы жойылды.
Сонымен қатар HIMARS жаппай оқ атуға арналған жүйенің 19 реакиивті снаряды және төрт "Ураган", екі ATACMS жедел-тактикалық зымыраны, "Нептун" кемеге қарсы екі зымыраны, алты HARM радиолокацияға қарсы зымыраны, 8 JDAM басқарылатын бомбасы, сондай-ақ жердегі нысаналарды қиратуға қайта бейімделген С-200 зениттік зымыраны тежелді.
Осы жылдың 1 қазанынан бастап Ресей әскери-ғарыш күштерінің жойғыш ұшақтары мен әуе шабуылына қарсы қорғаныс жүйелерімен Украина әскери-әуе күштерінің 31 ұшағы мен үш тікұшағы жойылды.
Арнайы әскери операция басталғаннан бері барлығы 515 ұшақ, 253 тікұшақ, 8312 пилотсыз ұшу аппараты, 441 зениттік зымыран кешені, 12960 танк және басқа да броньдалған жауынгерлік машина, жаппай оқ аиуға арналған реактивті жүйенің 1169 жауынгерлік машинасы, 6893 далалық артиллериялық зеңбірек пен минометтер, сондай-ақ 14684 бірлік арнайы автомобиль техникасы қиратылды.