АСТАНА, 27 қазан – Sputnik. Астана қаласының полиция департаменті жүргізушілерге көліктерді қысқы маусымға дайындау керектігін ескертті.
"Жол қозғалысы ережесінің талаптарына сәйкес, бұл кезеңде қысқы доңғалақтармен жабдықталмаған көліктерді пайдалануға тыйым салынады", - делінген хабарламада.
Осыған байланысты полицейлер жол қауіпсіздігін қамтамасыз ету мақсатында жүргізушілерді жазғы доңғалақтарды қысқыға ауыстыруға шақырды.
Гисметео ақпаратынша, 28 және 29 қазан күндері Астанада жаңбыр және қар жауады.