АСТАНА, 25 қазан – Sputnik. Астана мен Алматыда орталық алаңда жағдай тыныш, "Қазақстанның демократиялық таңдауы" ұйымы (Қазақстанда экстремистік деп танылған) жариялаған митингтерге адамдар жиналмады, деп хабарлайды Sputnik Қазақстан тілшісі.
Алматыда Орталық мәдениет және демалыс саябағында таңертеңнен бері полицей көп.
Митингке шығуға үндеген межелі сағат 12-де мұнда ешкім жиналмады.
Агенттік тілшісі хабарлағандай, қандай да бір әрекет жасамақ болған бірнеше адам тез арада ұсталды.
Бұл адамдар мұнда жалғыз жүрген, көп адам жиналмаған.
Айналадағы ахуал тыныш, күн жылы, адамдар отбасыларымен серуендеп жүр. Бірақ бұл жерде интернет жоқ.
Астана да тыныш, адам қарасы көрінбейді, бірақ күн суық. Әкімдік жанында бір полиция көлігі кезекшілікте тұр. Интернет барлық жерде жақсы жұмыс істеп тұр.
Сол жағалаудағы "Бәйтерек" жанында да адам аз.