АСТАНА, 23 қазан – Sputnik. Оңтүстік Донецк бағытында "Восток" әскер тобының бөлімшелері Новомайорск ауданында Украина Қарулы күштерінің бөлімшелерін ротациялау әрекетінің жолын кесті, деп хабарлады РФ Қорғаныс министрлігінің баспасөз қызметі.
Шабуыл кезінде соққы жасауға арналған пилотсыз ұшатын аппарат қолданылды.
Сонымен қатар батареяға қарсы күресте қарсы тарап БМ-21 "Град" жаппай оқ атуға арналған реактивті жүйесінен және жеті миномет есептобынан айырылған.
Жедел-тактикалық және армия авиациясының, зымыран әскерінің және артиллерияның соққылары арқылы ДХР-ның Новомихайловка, Константиновка, Золотая Нива, Угледар, Водяное және Старомаёрское елді мекендері аумағында Украина Қарулы күштерінің 72-ші механикаландырылған, 79-шы десанттық-шабуылдау, 58-ші мотоатқыштар бригадалары, 128-ші аймақтық қорғаныс бригадасы бөлімшелерінің адам күші мен техникасы шоғырланған аймақтарға соққы жасалды.