АСТАНА, 11 қазан – Sputnik. 2023 жылдың қыркүйегінде Қазақстан мен Қытай арасындағы теміржол тасымалының көлемі өткен жылдың сәйкес кезеңімен салыстырғанда 24%-ға өсіп, 2,4 миллион тоннаға жетті, деп хабарлады "Самұрық-Қазына" АҚ баспасөз қызметі.
Хабарламада экспорттық жүктерді тиеу тасымал өсімінің негізгі драйвері болғаны аталып өткен. Қытайға экспорт 57%-ға өсіп, 1,2 миллион тоннаны құрады. Атап айтқанда, астық экспорты 125%-ға өсті. Қыркүйек айында импорт 13%-ға өсті.
Жалпы, 2023 жылдың 9 айында екі ел арасындағы жүк тасымалының жалпы көлемі 22%-ға өсіп, 21,1 миллион тоннаны құрады. Оның ішінде Алтынкөл – Қорғас теміржол өткелі арқылы 9,2 миллион тонна тасымалданды. Бұл өткен жылдың сәйкес кезеңімен салыстырғанда 28%-ға жоғары. Қытайдан жүкті қабылдау 10%-ға, 8,3 миллион тоннаға дейін, жеткізу – 31%-ға, 12,8 миллион тоннаға дейін өсті.
Қазан айының қорытындысы бойынша теміржолшылар 2022 жылы 23,2 миллион тонна болған және тарихи ең жоғарғы көрсеткіш саналған тасымалдау көлемін орындауды жоспарлап отыр.