АСТАНА, 3 қазан – Sputnik. Ақтөбе облысында мәйітті жерлеуге апара бара жатқан "ГАЗель" жүк көлігімен соқтығысты. Бір адам қайтыс болды, алтауы ауруханаға түсті, деп хабарлайды Sputnik Қазақстан КТК арнасына сілтеме жасап.
Жол апатына Мәртөк ауданындағы Қаратоғай ауылына жақын жерде болған. Ауылдың алты тұрғыны жақын туысының мәйітін "ГАЗель"-мен зиратқа апара жатқан. Рөлде 75 жастағы зейнеткер болды. Ақсақал қарсы жолдағы "Scania" автотасығышқа жол бермей, бетпе-бет соқтығысқан.
Зейнеткер оқиға орнында көз жұмды. Ал жүк көлігінің жүргізушісі, Беларусь азаматы аман қалды. "ГАЗель"-де болған алты адам ауруханаға жатқызылды. Мәйітті сол күні жерледі.