АСТАНА, 2 қазан - Sputnik. Каспий теңізінд жағадан екі шақырым жерге ұзап кеткен төрт адамды облыстық төтенше жағдайлар департаментінің қызметкерлері құтқарды.
Оқиға 1 қазан күні болған.
"1 қазан күні сағат 16:19-да Ақтау қаласынан 25 шақырым жерде, Каспий теңізінің жағалауындағы "Шора" су бұру каналының аумағында төтенше жағдайлар департаментінің күштері 1987 жылы туған екі және 1994 жылы туған екі адамды құтқарды. Олар қолдан жасалған салмен суда жүзіп жүріп, жағадан ұзап кетіп, қайта шыға алмаған", - дейді ТЖД мамандары.
Құтқарылған адамдарға медициналық көмек қажет болмады. Төтенше жағдайлар департаменті судағы сақтық шараларын сақтау қажеттігін ескертті.