АСТАНА, 1 қазан – Sputnik. Қытайдың Ханчжоу қаласында өтіп жатқан Азия ойындарында Қазақстан спортшылар тағы екі қола медальге ие болды, деп хабарлайды Sputnik Қазақстан.
Боксшымыз Сағындық Тоғамбай жартылай финалда қытайлық Хан Сюэчжэньге есе жіберді. Осылайша, қола жүлденің иесі атанды. Ал су добынан Қазақстанның әйелдер құрамасы Өзбекстан командасын 16:8 есебімен жеңіп 3-орынды иеленді.
Ресми мәліметке сәйкес, су добынан Қазақстан құрамасы 2010 жылдан бері Азия ойындарына қатысып келеді. Содан бері алдымен күміс, 2014 жылы — қола, ал 2018 жылғы Азияойындарында күміс жүлдені иеленген болатын.
Айта кетері, Қазақстан қоржынына түскен қола жүлденің саны 23 медальге жетті. Бұдан бөлек, үш алтын мен бес күміс жүлде бар.