АСТАНА, 22 қыркүйек – Sputnik. FlyArystan лоукостері ел ішінде жаңа бағыт ашады. Енді қазақстандықтар Алматыдан Ақтөбеге тікелей рейспен ұша алады.
Рейстер биыл 1 қарашадан бастап ашылады. Аптасына төрт рет – дүйсенбі, сәрсенбі, жұма және сенбі күндері орындалады.
Әуе компаниясының ақпаратынша, билет бағасы 10 300 теңгеден басталады.
Билеттерді FlyArystan мобильді қосымшасы мен flyarystan.com сайтында сатып алуға болады.