АСТАНА, 6 қыркүйек – Sputnik. Ғылым және жоғары білім министрлігі студенттердің ата-аналарын "хостел" деген сөзден қорықпауға үндеді, деп хабарлайды Sputnik Қазақстан.
Бүгінде жатақхана орындары жетіспейтін университеттер жеке меншік хостелдермен келісімшарт жасап, студенттерді орналастырып отырады. Жоғары және жоғары оқу орнынан кейінгі білім комитеті төрағасының орынбасары Ақерке Абылайханның ата-аналарға "хостел" деген сөзден қорықпауға кеңес берді.
"Бүгінде көп ата-аналар осы "хостел" деген сөзді естігенде қорқып жатады. Негізі, оларды "жеке меншік жатақханалар" деп атауға болады. Хостелдерден келісімшарт жасалғанда бірнеше талап қойылады. Бастысы сол, тек студенттер ғана тұруы керек. Жолдан келген жолаушыға тоқтамауы тиіс. Сосын бірнеше университеттің студенттерін кіргізуге болады", - деді комитет басшысының орынбасары.
Бұдан бөлек, өрт қауіпсіздігі мен санитарлық нормалар бойынша нақты талаптар қойылады. Ал бағасы жатақханадан қымбат.
"Қазіргі кезде жатақханадағы бір орынға 3 мың теңгеден 20 мың теңгеге дейін алады. Ал хостелдерде 30 мың мен 60 мыңның арасында. Әрине, бұл студент үшін арзан емес. Бірақ пәтер жалдап тұрғаннан тиімді", - деп атап көрсетті Абылайхан.
Айта кетері, биылдан бастап басқа қалаларда тұратын ата-анасынан айырылған студенттердің жатақханада тұру шығындары өтеуге шешім қабылданды.